“Ne kemi dëshmuar se edhe pas marrëveshjes për dokumentet personale, kartat personale të lëshuara nga MPB-ja e Serbisë për qytetet që ndodhen në territorin e Kosovës dhe Metohisë nuk njihen”, tha Aleksandar Arsenijeviq, kryetar i nismës civile “Mbijetesa serbe”, iu drejtua sot publikut nga vendkalimi Gjeneral Jankoviq.

Pasi që në mesnatë hyri në fuqi marrëveshja ndërmjet Beogradit dhe Prishtinës për mos lëshimin e dokumenteve hyrëse-dalëse, Arsenijeviq vizitoi këtë vendkalim që ndodhet në jug të Kosovës dhe përmes të cilit hyri në Maqedoninë e Veriut.

“Ne kemi ardhur të kontrollojmë nëse marrëveshja ndërmjet Beogradit dhe Prishtinës është e vlefshme dhe nëse ajo respektohet”, ka thënë Arsenijeviq në një video të postuar në faqen e Facebook të GI “Serbian Survival”.

Më pas, Arsenijeviq, siç ka konfirmuar vetë, ka tentuar të hyjë në Maqedoninë e Veriut me një letërnjoftim serb të lëshuar nga UP për Mitrovicën e Kosovës në Rashkë.

Ai është nisur drejt postbllokut dhe shumë shpejt është kthyer, kur ka njoftuar se zyrtarët nga ana kosovare e vendkalimit nuk e kanë lejuar të kalojë me këtë letërnjoftim.

“Siç më thanë, dokumentet e institucioneve paralele nuk janë të vlefshme. Nëse do të kisha një letërnjoftim të lëshuar në Kraljevë, Rashkë apo ndonjë letërnjoftim tjetër, mund të kaloja. Ata besojnë, siç më thanë, se këto janë dokumente të institucioneve paralele që sistemi nuk i njeh”, tha Arsenijeviq.

/GazetaSinjali/