Arsenali dhe Adidas kanë pezulluar shitjen e fanellës autentike vendase të londinezëve.
Kjo pasi ka pasur një gabim në dizajnin e fanellës.
Vetëm 32 ndeshje të rekordit të “Invincibles” në vend të 38 janë shfaqur në dizajnin e fanellës së “Topçinjve”, raporton Sinjali Sport.
Adidas dhe Arsenal vendosën të nderojnë përvjetorin e 20-të të sezonit të ‘Invincibles’ me publikimin e fanelles së tyre të re 2023/24.
Stema e klubit, logoja e adidas dhe tre vijat kanë qenë të dizajnuara të gjitha të arta.
Seria e tyre e pamposhtur ishte gjithashtu e gdhendur në fanellat autentike, të cilat ishin në dispozicion në dyqanin online të adidas nga qershori.
Megjithatë, pas këtij gabimi, shitja e fanellave është pezulluar dhe nuk dihet se çfarë do të bëhet për ata që tashmë kanë paguar 110 funte për fanellën.
