Një person është arrestuar gjatë natës së të enjtes në Skënderaj për shkak se dyshohet që ka kryer veprën penale “falsifikim i parasë”, shkruan Gazeta Sinjali.

Sipas njoftimit, patrulla policore në Skënderaj ka ndaluar një veturë ku gjatë kontrollit kanë hasur në një sasi të parave në vlerë prej 1 mijë e 30 euro që dyshohet se janë të falsifikuara.

“Në cilësi të provave materiale nga ana e krim- teknikës janë evidentuar dhe sekuestruar:  41 (katërdhjetë e një) monedha nga 10 euro,  31 (tridhjetë e një) monedha nga 20 euro. Në cilësi të të dyshuarit është intervistuar  i dyshuari A.V., 22 vjeçar shtetas i Republikës së Kosovës, i cili pas intervistimit është liruar në procedurë të rregullt”, thuhet ndër të tjera në njoftim./Gazeta Sinjali/