Këngëtarja e njohur me famë botërore, Ariana Grande ka konfirmuar së fundmi se do të jetë pjesë e sezonit më të ri të serialit shumë të shikuar, “Kidding”.

Ariana Grande në këtë serial do të luajë përkrahë komedianit të njohur, Jim Carrey, transmeton Sinjali.

Këtë lajm e ka bërë të ditur vetë artistja përmes një imazhi të publikuar në rrjetin social, Instagram ku numëron mbi 161 milionë ndjekës.

Ariana ka shkruar se sa e lumtur është për faktin që do të luajë përkrahë idollit të saj. “Kjo ishte një ëndërr e bërë realitet, faleminderit shumë Jim dhe Dave që më keni pranuar, kam shumë gjëra të tjera për të thënë, por që nuk thuhen me fjalë”, përfundon Grande.

“Break up with your girlfriend, i’m bored”, është projekti i fundit muzikor i këngëtares. Kënga është publikuar më 7 shkurt të këtij viti dhe deri më tani numëron mbi 265 milionë klikime në kanalin Youtube./Sinjali/