image Ambasadori izraelit në Serbi: Izraeli ende nuk e ka njohur teknikisht Kosovën

Politikë

Ambasadori izraelit në Serbi: Izraeli ende nuk e ka njohur teknikisht Kosovën

news image

Ambasadori i ri i Izraelit në Serbi, Jahel Vilan, deklaroi se Izraeli ende nuk e ka njohur teknikisht Kosovën.

“Procedurat nuk kanë mbaruar, nuk ka pasur takime midis zyrtarëve, shënimet diplomatike nuk janë shkëmbyer, por kjo nuk do të thotë që procesi nuk është duke vazhduar ose se mund të kthehet prapa”, tha Vilan në një intervistë për Politika, transmeton Gazeta Sinjali.

I pyetur pse Izraeli ndryshoi mendim për pavarësinë e Kosovës pas 12 viteve refuzimi për ta njohur atë, Vilan tha se kishte dy arsye pse njohja e Kosovës ishte një problem, “e para ishte që njohja e një lëvizje të tillë të njëanshme mund të përfitonte nga palestinezët dhe e dyta është marrëdhënia me Serbinë”.

Ai vlerësoi se ishte vërejtur përparim në marrëdhëniet midis Kosovës dhe Serbisë.

“Unë i kuptova deklaratat e presidentit Vuçiq, si dhe ato që ai më tha dhe ne do të përpiqemi të punojmë me respekt maksimal për Serbinë. Presidenti Vuçiq i tha disa gjëra drejtpërdrejt kryeministrit Netanyahu”, citohet të ketë thënë Vilan.

I pyetur nëse ai bisedoi me presidentin Vuçiq për transferimin e ambasadës serbe në Jeruzalem, Vilan u përgjigj se nuk u diskutuan detaje.

“Izraeli i është mirënjohës z.Vuçiq. Unë do të mësoj nga ajo që ai bëri për marrëdhëniet tona dhe për vendimin e tij, të bërë para samitit të Washingtonit, që Serbia të hapte një zyrë ekonomike në Jeruzalem, e cila është një veprim i rëndësishëm jo vetëm ekonomik por edhe politik për të dy vendet”, tha ai, shkruan Blic, transmeton Gazeta Sinjali.

Kur u pyet që presidenti Vuçiç njoftoi në fillim të vitit se Serbia do të blinte armë nga Izraeli, Vilan tha se ai e mirëpriti një bashkëpunim të tillë, por se nuk kishte informacion se për çfarë lloj armësh diskutohej./Gazeta Sinjali/