Ambasadori i Italisë në Kosovë, Nicola Orlanda ka shkuar sot për vizitë në klubin e futbollit të Prishtinës, Flamurtari.

Arsyeja e vizitës së tij ishin zhvillimet e fundit në këtë klub, përkatësisht transferimi i lojtarit serb nga Graçanica, Ilija Iviç, zgjedhje e cila shkaktoi shkarkimin e prindërve të tij nga puna.

Orlanda, i ka dhënë përkrahje të plotë futbollistit serb Ilija Ivic për zgjedhjen e tij. Ambasadori italian ka thënë se në Itali politika nuk ka vend në sport.

“Shumë mirë të takosh një talent si Ilija Iviç. I uroj ati dhe skuadrës sukses. Në Itali nuk ka vend për politikë në sport. Aty kanë për qëllim pasionin, konkurrencën e shëndetshme dhe ndërtimin e urave lidhëse midis sportistëve dhe popujve. Urime Ilja”. ka shkruar Orlando.

Për këtë takim ka njoftuar edhe skuadra e Flamurtarit, të cilët në rrjetin social Facebook, kanë falendëruar ambasadorin për përkrahjen ndaj lojtarit në fjalë.

Ja njoftimi i plotë i skuadrës nga kryeqyteti./Gazeta Sinjali/