Çiftin Almeda Abazi dhe Tolgahan Sayisman i kemi parë shpesh sa në Stamboll e sa në Tiranë dhe duket se është pikërisht aktori turk ai që e nxit Almedën për ta vizituar sa më shpesh kryeqytetin shqiptar.
Në intervistën për emisionin “Në kurthin e Piter Pan”, moderatorja tregoi se ka një arsye shumë të veçantë se pse partneri i saj është kaq i lidhur me Tiranën.
“Tolga e pëlqen shumë Shqipërinë. Tiranën ai e adhuron, madje edhe më shumë se unë. Nuk e kam ditur pse ishte kaq i lidhur me Tiranën derisa më shpjegoi arsyen. Më tha se i kujtonte Stambollin e viteve ‘90, pa kaos, pa stres e me njerëz të ngrohtë”, u shpreh Almeda.
