Aktori i njohur turk me rolin e “Mehmet Kosovës”, Kenan Imirzalioglu do të bëhet së shpejti baba për herë të parë. Bashkëshortja e tij Sinem Kobal është në ditët e fundit të shtatzënisë dhe çifti po presin të bëhen me vajzë.

Çifti ka njoftuar se tashmë kanë zgjedhur emrin për të bijën. Mediat turke kanë zbuluar se Kenan dhe Sinem do i vendosin vajzës emrin Lalin.

Aktori është shprehur shumë i emocionuar që do të bëhet baba “Jam shumë i lumtur. Faleminderit Zotit gjithçka ka shkuar mirë, pa probleme. Zoti na ruajtë nga syri i keq”-është shprehur Kenan.

Dyshja gjatë periudhës së pritjes së ëmbël kanë qëndruar larg daljeve në publik. Vetëm pak javë më parë Sinem u shfaq për herë të parë me barkun e rrumbullakosur krah Kenanit. /Gazeta Sinjali/