image Aksidenti në Pejë/ Drejtuesi i motoçikletës është lënduar rëndë - Sinjali

Aksidenti në Pejë/ Drejtuesi i motoçikletës është lënduar rëndë

news image

Gazeta Sinjali ka raportuar për një aksident trafiku që ka ndodhur mes një veture dhe një motoçiklete, sot rreth orës 14:30 në hyrje të qytetit të Pejës.

Zëdhënësi i policisë për rajonin e Pejës, Fadil Gashi, tha për Gazetën Sinjali se si pasojë e këtij aksidenti vozitësi i motoçikletës ka pësuar lëndime të rënda.

I lënduari fillimisht është dërguar për trajtim në Spitalin e Pejës, për t’u transferuar pastaj në Klinikën Emergjente në QKUK.

“Rreth orës 14:30 policia është njoftu prë një aksident në hyrje të qyttit të Pejës. Në aksident kanë qenë të involvuara një veturë dhe një motoçiklete. Vozitësi i motoçikletës ka pësuar lëndime të rënda. Fillimisht, është dërguar në Emergjencën e Spitalit Rajonal të Pejës, e më pastaj në Qendrën Klinike Universitare të Kosovës”, tha Gashi.

Gashi bërë të ditur se në vendin e ngjarjes ka dalë njësiti i trafikut, i cili po merret me hetimin e shkaktarit të këtij aksidenti./Gazeta Sinjali/


Shpërndaje artikullin