Një aksident trafiku ka ndodhur sot në orët e para të mëngjesit në rrugën “Hajdin Berisha” në Suharekë, shkruan Gazeta Sinjali.
Sinjali mëson se në aksident janë përfshirë dy automjete dhe si pasojë e këtij aksidenti janë lënduar tre persona.
Përveç të lënduarve, për shkak të përplasjes së automjeteve ka edhe dëme materiale.
Burimet e Sinjalit bëjnë me dije se të lënduarit janë dërguar në Qendrën e Mjekësisë Familjare në Suharekë.
