Një aksident me tre të plagosur ka ndodhur rreth orës 23 40 minuta përgjatë bulevardit Ismail Qemali në afërsi te shkollës Industriale.

Automjeti tip Mercedes Benz ka dalë nga një rrugicë ku është goditur nga automjeti Nissan, ku si pasojë mbetën tre të rinj të plagosur dy në makinën Nissan dhe drejtuesi i makinës Mercedes.

Në vendngjarje kanë mbërritur policia, zjarrfikësit si dhe autoambulancat që kanë shoqëruar tre të plagosurit në spital.

Policia po punon për të zbardhur shkaqet e aksidentin ndërkohë që tre të rinjtë janë nën kujdesin e mjekve.