image Afro gjysma e amerikanëve duan që “The Rock” të kandidojë për president - Sinjali

Afro gjysma e amerikanëve duan që “The Rock” të kandidojë për president

news image

Të paktën 46% e amerikanëve duan që Dwayne “The Rock” Johnson të kandidojë për president, sipas rezultatit të një sondazhi të realizuar në Shtetet e Bashkuara të Amerikës.

Më shumë se 30.130 qytetarë amerikanë janë anketuar nga “Piplsay” rreth disponimit të tyre për kandidimin e mundshëm të ndonjë të famshmi për president të SHBA-së në zgjedhjet e ardhshme presidenciale, duke përfshirë këtu Johnson dhe Matthew McConaughey, raporton New York Post.

Sipas sondazhit, 29% e të anketuarve kanë thënë se duan t’i shohin të dytë, edhe McConaughey, edhe Johnson duke kandiduar për guvernatorë të Teksasit e po ashtu edhe për president të SHBA-së.

Ndërkohë, vetëm 12% e qytetarëve të anketuar e mbështesin McConaughey për guvernator.

“The Rock” 48-vjeçar ka bërë të ditur në shkurt të këtij viti mundësinë që të kandidojë për president të SHBA-së në zgjedhjet e ardhshme, duke thënë se do ta bënte këtë nëse njerëzit duan ta shohin si president.

Zgjedhjet e ardhshme presidenciale në SHBA zhvillohen në vitin 2024. /Gazeta Sinjali/


Shpërndaje artikullin

Etiketat kryesore: