Gjykata e Tiranës ka dënuar me 12 vite burg Abas Dogën, i cili akuzohet se ka abuzuar seksualisht me një të mitur, shkruajnë mediat në Shqipëri, përcjellë Gazeta Sinjali.
Abas Doga u dënua me 18 vite heqje lirie por me aplikimin e Gjykimit të Shkurtuar ai ka marrë 12 vite burg.
Rikujtojmë se Abas Doga, ish-roja i shkollës në Babrru u përball me gjykatën dhe me prokurorinë që e dyshon se gjatë një viti ka abuzuar që nga koha kur ajo ishte 14-vjeçe.
Veç kësaj ish-roja dyshohet se ka shtyrë një të mitur të bëjë të njëjtën gjë.
Ata u akuzuan se së bashku me të rinj të tjerë e shantazhuan vajzën me video dhe fotografi.
