Ministri i Infrastrukturës në detyrë, Lumir Abdixhiku, ka shkruar se në këtë krizë, megjithatë ka një lajm të mirë.

Përmes një postimi në Facebook, Abdixhiku tha sesi rezultat i reduktimit drastik të qarkullimit e aktivitetit publik, cilësia e ajrit nëpër qytetet tona është përmirësuar rrënjësisht, Përqendrimet e Dioksidit të Azotit (NO2) kanë rënë për plot 50%.

“Këto janë të dhënat që morra sot nga Agjencioni për Mbrojtjen e Mjedisit dhe Instituti Hidrometeorlogjik; të dyja trupa në kuadër të Ministrisë”, tha Abdixhiku.

Ai shtoi se kur të dalim, të mendojmë seriozisht për transformim rrënjësor të transportit publik.

Ky është postimi i plotë i Lumir Abdixhikut:

E në gjithë këtë krizë, megjithatë, ka një lajm të mirë. Si rezultat i reduktimit drastik të qarkullimit e aktivitetit publik, cilësia e ajrit nëpër qytetet tona është përmirësuar rrënjësisht, Përqendrimet e Dioksidit të Azotit (NO2) kanë rënë për plot 50%.

Këto janë të dhënat që morra sot nga Agjencioni për Mbrojtjen e Mjedisit dhe Instituti Hidrometeorlogjik; të dyja trupa në kuadër të Ministrisë.

Rrini në shtëpi. Edhe pak.
Kur të dalim, të mendojmë seriozisht për transformim rrënjësor të transportit publik./Gazeta Sinjali/