Ambasadori britanik, Nicholas Abbott, e ka mirëpritur emërimin e Naim Gashit në krye të Agjencisë Kosovare të Akreditimit.

Abbott ka thënë se emërimi i sotëm është shenjë pozitive që dërgon qeveria për depolitizim dhe respektim të parimit të meritokracisë në emërime të larta, transmeton Gazeta Sinjali.

“Kosova përparon vetëm me transparencë, meritokaci, qeverisje të mirë dhe llogaridhënje. Mbretëria e Bashkuar është e lumtur t’ju ndihmojë në këtë rrugëtim”, ka shkruar ndër të tjera Abbott në rrjetin social Facebook.

Qeveria e Kosovës sot në mbledhjen e saj të pestë e ka emëruar, Naim Gashin në pozitën e Drejtorit të Përgjithshëm të Agjencisë Kosovare të Akreditimit./Gazeta Sinjali/