Aleanca për Ardhmërinë e Kosovës në Kamenicë ka vendosur që ta mbështesë kandidatin e Lëvizjes Vetëvendosje, Kadri Rahimaj, më 14 nëntor në balotazh.
Lajmi është bërë i ditur nga kryetari i Degës së AAK- së në këtë komunë, Faton Jakupi.
“Sot në mbledhjen e Këshillit Drejtues së AAK dega në Dardanë,duke u bazuar në Statutin e saj dhe me shumicë votash, u mor VENDIM, që në garën e balotazhit në zgjedhjet për kryetar të komunës ta përkrahë kandidatin e VV”, ka shkruar Jakupi.
Kujtojmë që AAK ka bashkëqeverisur me Qëndron Kastratin nga PSD.
