Partia Socialdemokrate nesër do të mbajë konferencë për media pas mbledhjes së kryesisë.

Kështu është bërë e ditur përmes një njoftimi për media nga ta, ku nuk janë dhënë më tepër detaje.

“Nesër, me datën 31 janar (e hënë), prej orës 10:00, PSD do të mbajë mbledhje të kryesisë. Më pas, në ora 13:00, do të mbahet konferencë për media në zyrën qendrore të PSD-së, në rrugën Bajram Kelmendi, Nr 68”, thuhet në njoftim.

Kreu i kësaj partie, Dardan Molliqaj sot gjatë ditës është deklaruar për protestën e djeshme ku ai goditi me shuplakë një zyrtar policor.

Molliqaj tha se ndjen keqardhje për atë që ka ndodhur dhe shtoi se i takon atij të marr përgjegjësinë për incidentin.

Ai tha se e kishte shtyrë njërin nga policët dhe mohon se të njëjtin e kishte goditur. /GazetaSinjali/