image 6 të vdekur dhe mbi 1 mijë e 500 raste të reja me COVID-19 në Shqipëri

Shqipëri

6 të vdekur dhe mbi 1 mijë e 500 raste të reja me COVID-19 në Shqipëri

news image

Gjashtë persona kanë humbur jetën si pasojë e infektimit me COVID-19 gjatë 24 orëve të fundit në Shqipëri.

Ministria e Shëndetësisë dhe Mbrojtjes Sociale në Shqipëri ka bërë të ditur se janë kryer 5 mijë e 779 teste, prej të cilave 1 mijë e 562 kanë rezultuar pozitive.

Brenda këtij intervali kohor janë shëruar 1 mijë e 642 qytetarë të cilët ishin të infektuar me COVID-19.

Në Shqipëri janë aktualisht 23 mijë e 419 të infektuar me COVID-19. 127 persona janë të shtruar në spital, 9 prej të cilëve ndodhen në gjendje më të rënduar shëndetësore.

Ministria e Shëndetësisë u bën apel qytetarëve të vaksinohen sa më parë, si edhe të zbatojnë masat kundër COVID.

Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit. Kjo vlen edhe për fëmijët mbi 12 vjeç me probleme të sistemit imunitar, me rekomandim nga mjeku.

Statistika për datën 26 janar 2022 nga Ministria e Shëndetësisë:

Raste të reja ditore 1562

Të shëruar në 24 orë 1642

Të shtruar në spitale 127

Humbje jete në 24 orë 6

Testime ditore 5779

Shpërndarja gjeografike e rasteve aktive sipas qarqeve:

Tiranë 10896

Fier 1902

Shkodër 1861

Elbasan 1514

Vlorë 1419

Durrës 1338

Gjirokastër 1241

Korçë 937

Berat 925

Lezhë 824

Kukës 305

Dibër 257./GazetaSinjali/