Gjashtë prokurorë kanë aplikuar për të zënë vendin e Kryeprokurorit të Shtetit. Kështu ka njoftuar edhe Këshilli Prokurorial i Kosovës, raporton Sinjali.
Në njoftimin e KPK-së thuhet se kandidatët janë:
- Arben Ismajli, Prokuror në Prokurorinë e Apelit;
- Armend Hamiti, Prokuror në Prokurorinë Themelore të Prishtinës;
- Blerim Isufaj, Kryeprokuror në Prokurorinë Speciale të Republikës së Kosovës;
- Kujtim Munishi, Kryeprokuror në Prokurorinë Themelore të Prishtinës;
- Lulzim Sulejmani, Prokuror në Zyrën e Kryeprokurorit të Shtetit dhe
- Shqipdon Fazliu, Prokuror në Zyrën e Kryeprokurorit të Shtetit.
Njoftimi i plotë:
Këshilli Prokurorial i Kosovës (KPK) njofton se sot ka përfunduar afati 15 ditorë për aplikim të prokurorëve për pozitën e Kryeprokurorit të Shtetit, afat ky, i përcaktuar me Konkursin e shpallur më 17 janar 2022.
Të drejtën për aplikim e kanë shfrytëzuar 6 prokurorë, të cilët kanë dorëzuar aplikacionet brenda afatit të përcaktuar me konkursin e lartcekur.
Prokurorët që kanë aplikuar për pozitën e Kryeprokurorit të Shtetit janë:
1. Arben Ismajli, Prokuror në Prokurorinë e Apelit;
2. Armend Hamiti, Prokuror në Prokurorinë Themelore të Prishtinës;
3. Blerim Isufaj, Kryeprokuror në Prokurorinë Speciale të Republikës së Kosovës;
4. Kujtim Munishi, Kryeprokuror në Prokurorinë Themelore të Prishtinës;
5. Lulzim Sulejmani, Prokuror në Zyrën e Kryeprokurorit të Shtetit dhe
6. Shqipdon Fazliu, Prokuror në Zyrën e Kryeprokurorit të Shtetit.
(Renditja e prokurorëve kandidatë është bërë me renditje alfabetike)
Sa i përket numrit të saktë të prokurorëve që kanë aplikuar për pozitën e Kryeprokurorit të Shtetit duhet pritur aplikacionet e tjera eventuale, të cilat mund të pranohen përmes Postës.
Lidhur me procesin e zgjedhjes së Kryeprokurorit të Shtetit, Këshilli Prokurorial i Kosovës i ka bërë ftesë zyrtare partnerëve ndërkombëtarë dhe organizatave të shoqërisë civile që përcjellin aktivitetet e sistemit prokurorial për të monitoruar procesin, ndërsa për të martën, më 8 shkurt 2022, i ka ftuar për të monitoruar hapjen e të gjitha aplikacioneve të prokurorëve që kanë aplikuar për këtë pozitë.
