image 299 raste të reja me koronavirus në Shqipëri, vdesin 4 të infektuar

Shqipëri

299 raste të reja me koronavirus në Shqipëri, vdesin 4 të infektuar

news image

Gjatë 24 orëve të fundit, Shqipëria ka regjistruar 299 raste të reja me koronavirus dhe 4 viktima të tjera nga ky virus, raporton Gazeta Sinjali.

Ndërkaq, janë shëruar 106 qytetarë, duke e çuar në 10 mijë e 654 numrin e të shëruarve në vendin fqinj që prej fillimit të epidemisë.

Rastet pozitive të konfirmuara në 24 orët e fundit janë identifikuar në këto bashki:

184 raste në Tiranë, 23 raste në Korçë,

12 raste në Vlorë, 11 raste në Kuçovë,

8 raste në Durrës, 7 raste në Elbasan,

6 raste në Pogradec dhe Përmet,

5 raste në Librazhd, 4 raste në Shkodër dhe Lezhë,

3 raste në Fier, Pukë, Tropojë, Sarandë, Skrapar,

2 raste në Krujë, Kurbin, Prrenjas,

1 rast në Devoll, Kukës, Kavajë, Berat, Kamëz, Mat, Fushë-Arrëz, Cërrik.

Aktualisht në spitalin Infektiv dhe “Shefqet Ndroqi” po trajtohen 271 pacientë, 16 në terapi intensive nga të cilët 9 pacientë janë të intubuar.

“Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 64-vjeçar nga Elbasani, një 65-vjeçar nga Tropoja, një 77-vjeçar nga Tirana, një 81-vjeçar nga Gramshi. Ministria e Shëndetësisë dhe Mbrojtjes Sociale u shpreh ngushëllimet familjarëve”, thuhet në njoftimin e ministrisë.

Kjo ministri apelon te qytetarët që t’i vendosin maskat kudo në ambientet jashtë shtëpisë, të ruajnë distancën dhe të kujdesen për higjienën, sepse “vetëm kështu mund të parandalohet përhapja e infeksionit SARS COV2”.

“Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19. Telefononi në linjën e gjelbër falas 0800 40 40 për të kontaktuar mjekun e familjes, për shërbim psikologjik të specializuar dhe të sigurt, si dhe për çdo informacion tjetër rreth COVID19”, përfundon apeli.

COVID-19 – Statistika (25 Tetor 2020)

Raste të reja ditore 299

Të shëruar në 24 orë 106

Të shtruar në spitale 271

Humbje jete në 24 orë 4

Testime ditore 1315

Testime totale 117025

Raste pozitive 19157

Raste të shëruara 10654

Raste Aktive 8026

Humbje jete 477

Shpërndarja gjeografike e rasteve aktive sipas qarqeve:

Tiranë 4113

Durrës 757

Fier 510

Shkodër 497

Korçë 488

Lezhë 383

Elbasan 348

Vlorë 319

Berat 229

Kukës 183

Gjirokastër 102

Dibër 97./Gazeta Sinjali/