Në 24 orët e fundit në veri të Kosovës, nuk është regjistruar asnjë rast i ri i pacientëve me Covid-19, dhe as raste me të shëruar e të vdekur.

Deri më tani, gjithsej 115 njerëz janë sëmurë me Covid-19 në zonat e banuara me serbë në Kosovë, nëntë kanë vdekur dhe 86 të tjerë janë shëruar.

Sipas informacioneve të fundit të publikuara fundjavën e kaluar, 13 pacientë me një gjendje të butë klinike janë të akomoduar në Qendrën Studentore në veri të Mitrovicës, ndërsa gjashtë pacientë në spitalin në veri të Mitrovicës.

Ndërkaq, një pacient me Covid-19 ishte vendosur në Qendrën Klinike në Kragujevc të Serbisë, raporton Radio Kontakt Plus./ Gazeta Sinjali/