23-vjeçarja kosovare, e cila humbi jetën dje në një aksident trafiku në New York, ishte shtatzënë.
Kështu bënë të ditur silive.com, pas konfirmimit të autoriteteve lokale të atjeshme, duke thënë se autori i aksidentit, po akuzohet tashmë për vrasje nga pakujdesia.
”A.S, nga Great Kills, pësoi një traumë të rëndë rreth trupit kur u hodh nga ulësja e pasagjerit të një automjeti që po udhëtonte në Bulevardin Hylan rreth orës 4:44 të mëngjesit të së shtunës”, sipas një zëdhënësi komisariatit në New York.
Një regjistër i foshnjave në BuyBuy Baby listoi Sylmetajn dhe Nikeziqin si prindër në pritje. Fëmija pritej në prill, sipas faqes së internetit.
Sipas hetimeve paraprake nga policia, Adem Nikeziq, 30 vjeç, po lëvizte drejt jugut në Bulevardin Hylan, kur humbi kontrollin e mjetit dhe u përplas me një shtyllë druri në afërsi të kryqëzimit të Rose Avenue.
