Një i ri është vrarë në orët e para të mëngjesit të sotëm në Fier. Ngjarja ka ndodhur në vendin e quajtur “Kthesa e Hamilit”.

Viktima F.S, 23 vjeç është gjetur i pajetë në një kanal në anë të rrugës me plagë thike në trup.

Pranë kanalit është gjetur një makinë e braktisur tip “Renault”, me një gomë të hequr dhe kofano të hapur.

Dyshimet e para janë që drejtuesi i mjetit është nxjerrë nga makina dhe ekzekutuar në kanal pranë rrugës.

“Sot rreth orës 07:00, në vendin e quajtur “Kthesa e Hamilit” është gjetur pa shënja jete shtetasi F.S, 23 vjeç. Nga veprimet e para hetimore dyshohet se 23-vjeçari ka ndërruar jetë si pasojë e plagës së marrë nga goditja me një mjet të mprehtë(thikë), dyshohet gjatë një konflikti”, thotë policia.

Grupi hetimor po punon për ndriçimin dhe dokumentimin e kësaj ngjarje.

Policia ka shoqëruar disa persona dhe po vijon puna për identifikimin dhe kapjen e autorit./Oranews