image 22 të vdekur nga dy tërmete në Afganistan - Sinjali

22 të vdekur nga dy tërmete në Afganistan

news image

Të paktën 22 persona kanë vdekur deri më tani pasi tërmetet e njëpasnjëshme kanë goditur Afganistanin Perëndimor të hënën.

Sipas të dhënave nga Shoqëria Gjeologjike Amerikane (USGS), tërmetet me magnitudë 4.9 dhe 5.3 kanë prekur provincën veriperëndimore të Badghis, ku shkaktuan shembje shtëpish dhe ndërtesash.

Një zëdhënës i tha AFP-së se katër fëmijë ishin në mesin e atyre që u gjetën të vdekur në rrënoja.

Ata shtuan se më shumë se 700 shtëpi ishin dëmtuar, shkruan BBC, përcjell Sinjali.

Tërmetet mund të shkaktojnë dëme të konsiderueshme në Afganistan, ku shumë banesa nuk janë aq të qëndrueshme apo të ndërtuara mirë./GazetaSinjali/


Shpërndaje artikullin