image 126 bujqve dhe fermerëve të Obiliqit u kompensohen dëmet e shkaktuara nga vërshimet e gushtit - Sinjali

126 bujqve dhe fermerëve të Obiliqit u kompensohen dëmet e shkaktuara nga vërshimet e gushtit

news image

Në kuadër të drejtorisë së Bujqësisë të komunës së Obiliqit, sot, kanë filluar pagesat e dëmeve të shkaktuara nga vërshimet dhe erërat e forta në netët e 17 dhe 18 gushtit.

Pas vlerësimeve nga ana e komisionit janë 126 fermerë përfitues dhe vlera totale e kompensimit të dëmeve është 170 mijë e 570 euro, të ndara nga buxheti komunal.

Njëkohësisht, DBZHR-ja ka filluar edhe me subvencionimin e bujqve me farë gruri dhe naftë, gjithsej 293 fermerë përfitues, vlera e subvencionimit prej 35 mijë e 160 euro.

Gashi, është shprehur se përkushtimi në përkrahjen e bujqve do të vazhdojë, duke vlerësuar se sektori i bujqësisë është njëri ndër sektorët me rëndësi jetike për qytetarët e Obiliqit.

“Sot kemi filluar me pagesat e dëmeve në kulturat bujqësore të shkaktuara nga vërshimet dhe erërat e forta në netët e 17 dhe 18 gushtit, pas vlerësimeve nga ana e komisionit janë 126 fermerË përfitues dhe vlerë totale e kompensimit të dëmeve është 170 mijë e 570 €, të ndara nga buxheti komunal. Njëkohësisht, kemi filluar edhe me subvencionimin e bujqve me farë gruri dhe naftë, gjithsej 293 fermerë përfitues, vlera e subvencionimit prej 35,160.00€”, ka shkruar ai./Gazeta Sinjali/


Shpërndaje artikullin