Ministrja Nagavci përmes një njoftimi në Facebook ka njoftuar se është hapur thirrja për bursa për studentët e komuniteteve.
Shuma maksimale e bursës do të jetë deri në 1,000€ për studentët përfitues, ndërsa konkursi do të jetë i hapur për 15 ditë.
Postimi i plotë:
Kemi hapur thirrjen për përfitimin e bursave për 100 studentë nga radhët e komuniteteve Ashkali, Egjiptian dhe Rom. Marrëveshja që kemi nënshkruar me ministrin e MAPL-së Elbert Krasniqi, synonte thirrjen për Fakultetin e Edukimit, mirëpo për arsyje të numrit të ulët të aplikuesve, tashmë thirrja është për të gjitha drejtimet në të gjitha universitetet publike.
Qeveria jonë është e përkushtuar që përmes bursave dhe mekanizmave të tjerë të fuqizojë gjeneratat e reja të edukatorëve dhe mësimdhënësve nga radhët e komuniteteve.
Konkursi do të jetë i hapur 15 ditë, nga data 18.11.2022 deri më 02.12.2022, në ora 16:00.
Shuma maksimale e bursës do të jetë deri në 1,000€ për studentët përfitues.
Aplikimi bëhet përmes platformës E-Kosova.
