Komisioni për të Drejtat e Njeriut, Barazi Gjinore, për Personat e Pagjetur, Viktimat e Dhunës Seksuale të Luftës dhe Peticione është takuar me përfaqësuesit e Inspektoratit të Punës dhe Agjencisë për Ndihmë Juridike Falas për të diskutuar lidhur me çështjen e moszbatueshmërisë së Ligjit për Mbrojtje dhe diskriminim.
“Kryesisht numri i rasteve është dikun 1555, në dy vitet e fundit i kemi 500 raste që i kemi inicuar“, u tha në komision.
Kryetarja e këtij komisioni, Duda Balje, tha se ligji nuk është duke u implementuar në tërësi, duke shtuar se mbi 90 përqind e grave ngacmohen seksualisht në punë.
“90 për qind janë të kërcënuara gojarisht, ose ofendim në lloj lloj forma“, tha Balje.
Ndërsa nga Inspektorati i Punës thanë se janë shqiptuar 281 gjoba gjatë vitit të kaluar.
E drejtoresha në Agjencinë për Ndihmë Juridike Falas, Anita Alaj, tha se më së shumti po diskriminohen gratë shtatzëna.
Sipas saj, rreth 1,550 grave shtatzëna iu është ndërprerë marrëdhënia e punës në sektorin privat, njofton klankosova.
