Kombëtarja e Kosovës në futboll në kategorinë U21 ka pësuar disfatë në ballafaqimin me Anglinë.

Rezultati përfundimtar i ndeshjes ishte 2-0, ku të dy golat e vendasve u realizuan në pjesën e parë.

Anglezët kaluan në epërsi në minutën e 11’ nga Brewster, ndërsa epërsia u dyfishua nga Palmer në minutën e 27.

Kosova ka një fitore dhe një humbje pas dy ndeshjeve në Grupin G dhe renditet në vendin e pestë me tri pikë, kurse Anglia ka tri pikë në vendin e dytë prapa Republikës së Çekisë, e cila e kryeson grupin me gjashtë pikë pas dy ndeshjeve./Gazeta Sinjali Sporti/