image ​Shtëpia e El Chapos fitohet në lotari - Sinjali

​Shtëpia e El Chapos fitohet në lotari

news image

Qeveria meksikane hodhi në lotarinë kombëtare shtëpinë e përdorur nga ish-mbreti i drogës Joaquin “El Chapo” Guzman.

Në hedhjen e lotarisë të mbajtur në Mexico City, u shitën gjithsej 22 prona, shumë prej të cilave i përkisnin krimit të organizuar.

Shtëpia, kishte një tunel shpëtimi të fshehur nën një vaskë, ku luajti një rol kyç në një operacion të dështuar për të arrestuar udhëheqësin e kartelit ”Sinaloa” më 17 shkurt të vitit 2014.

Guzman përfundimisht u kap pesë ditë më vonë.

Lotaria u organizua nga qeveria e presidentit Andres Manuel Lopez Obrador, i cili ishte përpjekur disa herë të nxirrte në ankand pronën prej 261 metra katrore.

El Chapo, aktualisht është 64-vjeç dhe po vuan një dënim të përjetshëm në ShBA.

Chapo ishte i famshëm për arratisjet e tij. Ai u arratis nga burgjet e sigurisë së lartë dy herë.

/GazetaSinjali/


Shpërndaje artikullin