Kryeministri i Kosovës, Avdullah Hoti ka konfirmuar dallimet me Listën Serbe. Ani pse nuk i bëri të ditura kërkesat e partnerit qeverisës, kreu i ekzekutivit tha se janë duke bërë përpjekje për t’i tejkaluar këto dallime, por gjithnjë duke respektuar ligjet dhe Kushtetutën e vendit, shkruan Gazeta Sinjali.
“Janë disa çështje që i kemi brenda koalicionit me ta, të cilat po mundohemi t’i zgjidhim vetëm në përputhje me ligjet dhe Kushtetutën dhe marrëveshjet e Brukselit që kemi”, u shpreh ai.
“Në asnjë formë tjetër, po bëjmë përpjekje, janë duke punuar institucionet përkatëse, besoj që do të tejkalojmë. Nëse arrijmë të tejkalojmë, do të tejkalojmë vetëm sipas ligjeve në fuqi”, tha Hoti.
Këtë qëndrim kryeministri Hoti e dha pas një vizite në qytetin e Gjakovës.
