Në kuadër të masave parandaluese ndaj koronavirusit dhe në funksion të mbrojtjes së shëndetit publik të qytetarëve, sot është bërë deratizimi dhe dezinfektimi i banesave kolektive në Plemetin, për të vazhduar me dezinfektimin e të gjitha objekteve dhe institucioneve publike të Komunës së Obiliqit.

Me këtë rast janë dezinfektuar objekti i Komunës, QKMF-ja, AMF-të në Breznicë, Milloshevë, Siboc dhe Plemetin, Stacioni Policor të Obiliqit, HandiKos, Qendra Rinore, Kryqi i Kuq si dhe hyrjet/hapësirat e të gjitha objekteve banesore të Komunës së Obiliqit.

Kryetari i Obiliqit, Xhafer Gashi ka njoftuar se është bërë dezinfektimi për herë të tretë i shtëpisë se çiftit tashmë të shëruar nga pandemia.

Ndryshe, aksioni i dezinfektimit dhe deratizimit të institucioneve po zhvillohet për herë të dytë me qëllim të parandalimit të përhapjes së infeksionit me koronavirus.

“Ju qëndroni në shtëpi, ne po vazhdojmë me përkushtim të jemi në shërbimin tuaj”, shkruan Gashi në Facebook./GazetaSinjali/