Ish-trajneri i Juventusit, Andrea Pirlo, i është bashkuar zyrtarisht skuadrës turke Fatih Karagumruk, duke u bërë trajneri i ri i tyre.
43-vjeçari italian po kërkon të nisë karrierën e tij si trajner pas një viti jo të mirë në krye të Juventusit, ku ai arriti një vend të katërt, një Kupë të Italisë dhe një Superkupë.
Siç njoftoi Fatih Karagumruk, Pirlo ka nënshkruar kontratë njëvjeçare me klubin dhe do të zbulohet të martën e javës së ardhshme. Ai është bërë italiani i dytë që drejton skuadrën turke pas Francesco Fariolit.
Fatih Karagmuruk arriti në vendin e 8-të në Super Ligë sezonin e kaluar. Ata kanë tre lojtarë italianë në skuadrën e tyre: portierin Emiliano Viviano, mbrojtësin Davide Biraschi dhe anësorin Fabio Borini.
Pirlo e kaloi këtë sezon jashtë fushës, duke marrë parasysh shkurtimisht punën në Sampdoria përpara se të vendoste të shikonte diku tjetër. Lëvizja jashtë vendit i jep tani trajnerit 43-vjeçar italian mundësinë për të zhvilluar stilin e tij dhe për të fituar pak përvojë.
