Klaus Gjasula ka nisur sot zyrtarisht një aventurë të re. Mesfushori i përfaqësueses shqiptare është zyrtarizuar te klubi i Darmstadt, duke u larguar nga Hamburgu, pjesë e të cilit kishte qenë në edicionin e kaluar.
Mesfushori kuqezi, nuk arriti që të shprehte te Hamburgu të gjithë cilësitë e tij, i ndalur nga dëmtimet e për këtë arsye, humbi vendin mes titullarëve në një sezon që ai vetë e ka cilësuar si më të dobëtin e karrierës. Por tashmë nis një aventurë e re me këtë ekip të Bundesligës 2, ku ai ka nënshkruar një kontratë dyvjeçare.
“Pasi fola me personat përgjegjës, u binda shpejt se transferimi te Darmstadt ishte i duhuri për mua. E kam parë këtë klub gjithmonë si një që punon jashtëzakonisht shumë për të arritur objektivat. Kjo përputhet 100% me sjelljen time dhe rrugëtimin që kam pasur deri tani”, tha Gjasula në fjalët e tij për faqen e klubit pas nënshkrimit.
Klaus #Gjasula: "I know #sv98 have always perceived as an association in which they work extremely hard to achieve their own goals. That coincides one hundred percent with my personal attitude and the path I've taken so far." pic.twitter.com/aD3xXA64we
— SV Darmstadt 98 | International (@sv98_en) August 11, 2021
