Laura Emrush Nuhiu, 20-vjeçarja nga Presheva është zhdukur në Gjermani, që nga e shtuna, raporton Gazeta Sinjali.

Sipas informacioneve të policisë, 20-vjeçarja kishte udhëtuar nga Freudenstadti në Offenburg, ku do t’i nënshtrohej një provimi.

Gjatë kthimit për në qytetin ku ajo jetonte, ajo ishte detyruar që të ndërronte trenin, për shkaqe teknike, ngase kishte disa punime në hekurudhë.

Ajo ka ndërruar linjën e trenit dhe telefoni i ishte ndalur nga mungesa e baterisë.

Kur ka mbërritur në një qytet tjetër, ajo ka arritur që të kontaktojë me shoqen e saj, të cilës i ka thënë se përball ka një grup të rinjsh dhe se po frikësohet nga ata.

“Herën e fundit ajo është parë më 19 qershor të këtij viti, rreth orës 22:00 në stacionin e trenit, në Offenburg”, thuhet në njoftimin e policisë gjermane. /Gazeta Sinjali/