Ish-kryeprokurori i Gjilanit, Jetish Maloku, është zgjedhur kryesues i ri i Këshillit Prokurorial të Kosovës (KPK), shkruan Gazeta Sinjali.
Zëvendëskryesues i ri i KPK-së është zgjedhur Veton Shabani, prokuror në Prokurorinë Themelore të Ferizajt.
Maloku siguroi 10 vota për dhe 1 votë kundër për t’u zgjedhur kryesues i ri i KPK-së. Ndërsa, Shabani mori 11 vota për dhe asnjë kundër, raporton ksp.
Kryesuesi i sapo zgjedhur i Këshillit Prokurorial të Kosovës, Jetish Maloku deklaroi se synimet e tij janë rritja e llogaridhënies, transparencës, integritetit dhe fuqizimi i mekanizmave. Ai po ashtu tha se do të angazhohet në disiplinimin e prokurorëve.
Deri tani kryesues i Këshillit Prokurorial të Kosovës ishte Bahri Hyseni.
