Presidenti ukrainas Zelensky ka marrë pjesë në një konferencë në përvjetorin e një viti të luftës në Ukrainë.
Ai tha se fitorja është e pashmangshme nëse të gjithë partnerët e Ukrainës “bëjnë detyrat e tyre”. Ai tha gjithashtu se dëshiron që Amerika Latine, Afrika, Kina dhe India të marrin pjesë në formulën e paqes në Ukrainë.
“Këto vende janë gjithashtu shumë të rëndësishme,” tha ai duke shtuar se do të donte të organizonte një samit me vendet e Amerikës Latine dhe Ukrainën. Më pas, Zelensky u pyet për krimet e luftës dhe nëse të akuzuarit mund të gjykohen në Ukrainë. Ai tha se nevojitet një gjykatë dhe mekanizëm special që Rusia të marrë “përgjegjësi” reale për veprimet e saj në Ukrainë.
“Është punë e madhe dhe ne po punojmë për të”, tha Zelenskyy. Ai tha se lufta ka treguar dobësi në institucionet e brendshme të Ukrainës, BE-së dhe vendeve evropiane. Më pas, Zelenskyy pyetet për pretendimet se Kina mund të dërgojë armë në Rusi dhe lajmet për planin e saj të paqes.
“Kina filloi të flasë për Ukrainën dhe unë mendoj se kjo është një gjë e mirë. Por në fakt shtrohet pyetja se me çfarë do të pasohen këto fjalë. Hapat që duhet të ndërmerren – kjo është ajo që është e rëndësishme.”, tha ai./abcnews.al
