Drejtori i Milanit, Paolo Maldini, po kërkon të rinovojë kontratën e anësorit Rafael Leao pa ndryshuar strategjinë e transferimeve të klubit, sipas raportimeve në Itali.
Reprezentuesi portugez u emërua ‘MVP’ i Serie A dhe ishte vendimtar për suksesin e kuqezinjve në Scudetto.
Megjithatë, Real Madrid thuhet se është i interesuar për nënshkrimin e Leaos, pasi ka humbur mundësinë për të nënshkruar me Kylian Mbappe nga Paris Saint-Germain.
Dhe Gazzetta dello Sport raporton se Milani po kërkon të zgjasë kontratën e 22-vjeçarit pa thyer strukturën e tyre të transferimit.
Sipas raportit, kjo marrëveshje e re do të bënte që Leao të trefishonte pagën e tij në 4.5 milionë euro në vit.
Ndërsa thuhet se Leao do të ishte i lumtur të zgjaste, raporti shton se agjenti i tij, Jorge Mendes, do të preferonte që ai t’i bashkohej një klubi me një buxhet më të madh. Kontrata aktuale e Leaos skadon në vitin 2024.
Në 34 paraqitje në Serie A sezonin e kaluar, ai shënoi 11 gola dhe kontribuoi me 10 asistime.
Ashtu si Leao, Milani po punon për zgjatjen e kontratës së mbrojtësit Fikayo Tomori si dhe të tjerëve.
