Kryeministri i Maqedonisë së Veriut, Zoran Zaev, ashtu siç dhe ishte paralajmëruar pritet që këtë të mërkurë të dorëzojë dorëheqjen e tij në Kuvend, menjëherë pas përfundimit të fjalimit tradicional vjetor para deputetëve të presidentit Stevo Pendarovski.

Zaev dorëheqjen e tij e ka paralajmëruar që në humbjen e zgjedhjeve të fundit lokale, ku ka hequr dorë edhe nga pozita udhëheqëse në LSDM.

Siç bëhet e ditur, lider i ri i LSDM-së u bë zëvendësministri aktual i Financave, Dimitar Kovaçevski, i cili pritet të jetë edhe kryeministër për formimin e qeverisë së re, raporton lapsi.al.

Ndërkohë, dhe një ditë më parë nga Tirana, ku ishte për takimin e “Open Ballkan”, Zaev ka konfirmuar dorëheqjen e tij./GazetaSinjali/