image Vullkani La Palma që 40 ditë aktiv/ 80 tërmete regjistrohen në 24 orët e fundit
[wp-story id="814678"]

Evropë

Vullkani La Palma që 40 ditë aktiv/ 80 tërmete regjistrohen në 24 orët e fundit

news image

Prej 19 shtatorit, vullkani në La Palma në Spanjë vijon të jetë aktiv, duke u shndërruar në ishullin atlantik thuajse të braktisur.

Që prej mbrëmjes të së shtunës, shpërthime të llavës, deri në dhjetëra metra lartësi, vazhdojnë të jenë aktive.

Ende autoritetet zyrtare nuk kanë një faturë të dëmeve të shkaktuara në 40 ditë, por mbi 2 mijë shtëpi janë shkrumbuar totalisht e mijëra vetë janë detyruar të braktisin ishullin.

Edhe pse tashmë i pabanueshëm, kureshtarët shijojnë nga larg spektaklin e llavës dhe tymit. Dhe si të mos mjaftonte frika nga vullkani i aktivizuar prej më shumë se 1 muaj, vetëm 24 orët e fundit, në ishullin e La Palmës, janë regjistruar 79 tërmete, të konfirmuara zyrtarisht edhe nga Instituti Kombëtar Gjeografik.

/GazetaSinjali/