Presidenti i Serbisë Aleksandar Vuçiq është deklaruar pas emërimit të Matthew Palmer për emisar special të SHBA-së për Ballkanin.

Ai tha sonte për mediat serbe se Palmer do të ndjekë politikën e SHBA-së fuqishëm, ndonjëherë edhe brutalisht, dhe se rrëfimet ‘se do të jetë miqësor ndaj Serbisë, pasi është “dhëndër serb”, janë qesharake.

“Palmer është një njeri i përgjegjshëm, serioz dhe i zellshëm. Më duket qesharake dhe marrëzi kur thonë se ai është dhëndër serb, andaj do të ketë prirje ndaj nesh. Ai do të kryejë politikën amerikane fuqishëm, ndonjëherë edhe me brutalitet dhe neve nuk na presin kurrfarë detyra të lehta”, tha Vuçiq.