Presidenti serb, Aleksander Vuçiq, deklaroi se sipas Kushtetutës së Serbisë, duhet të organizohet një referendum për çështjen e Kosovës, sepse sipas tij tani bëhet fjalë mbi ndryshimet kushtetuese-juridike të statusit të Serbisë.

Mirëpo, Vuçiq tha se nuk është i lumtur për këtë sepse kjo gjë sipas tij nuk do të arrihet.

“Se në referendum kush kënd e përfaqëson, se a do të gjendet një zgjidhje kompromisi, unë nuk besoj në këto. Se a jam më i lumturi për këto që do të ndodhin, unë në këtë nuk besoj. Se a jam më i lumturi – jo nuk jam sepse deri te kjo situatë nuk do të arrihet”, ka thënë Vuçiq në një emision informativ të Tv B92 në Beograd.

Duke folur për vazhdimin e dialogut me Kosovën, Vuçiq theksoi se “situata do të jetë e vështirë”, por që njerëzit “nuk duhet të shqetësohen sepse ata do të luftojnë si luanët”.

Ai theksoi se është njeriu më i lumtur që do të jetë presidenti i vetëm i Serbisë që nuk ka dërguar asnjë njeri në Gjykatën Ndërkombëtare të Drejtësisë. /Gazeta Sinjali/.