Raportuesja për Kosovën në Parlamentin Evropian, Viola von Cramon ka kërkuar nga Bashkimi Evropian që të mbajë fjalën e saj për liberalizimin e vizave për Kosovën, shkruan Gazeta Sinjali.

Von Cramon duke komentuar raportin për Kosovën në Komisionin për punë të jashtme të PE-së, ka kërkuar që të jepet drita e gjelbër për heqjen e vizave.

Ajo theksoi se njerëzit në Kosovë janë me të drejtë të frustruar për shkak të zvarritjes së këtij procesi.

“Qytetarët e Kosovës duhet të kenë qasje të njëjtë në Zonën Schengen pa viza, kjo çështje është në Këshillin e BE-së për dy vjet tani. Njerëzit në Kosovë janë të frustruar me të drejtë, prandaj kërkoj nga Këshilli i Bashkimit Evropian që të japë një sinjal, afat kohor të qartë dhe të japë dritën e gjelbër lidhur me këtë vendim sa më shpejt që është e mundur. Kjo ka të bëjë me mbajtjen e premtimit tonë në rajon”, tha ajo. /Gazeta Sinjali/