Lëvizja Vetëvendosje ka reaguar ndaj vendimit të Gjykatës Supreme, ku kandidatit për kryeministër nga kjo parti, Albin Kurti nuk i’u lejua kandidimi në zgjedhjet e 14 shkurtit.
Arbërie Nagavci nga kjo parti përmes një shkrimi në rrjetin social “Facebook”, ka thënë që qeveria Kurti 2 është e pashmangshme dhe e shumë pritur.
“Qeveria Kurti 2 është realiteti i ri, i pashmangshëm e i shumë pritur”, ka shkruar ajo.
Ajo theksoi se do ta përkrahin Kurtin edhe më tutje.
” Me 14 shkurt qytetarët do të tregojnë fuqishëm përkrahjen për Albin Kurtin, e kjo do të jetë jo vetëm përgjigjja më e mirë për institucionet e kapura, por dhe fillimi i punës për shtetin e së drejtës”, thuhet më tutje në postimin e saj.
