Pesë persona me koronavirus nga ata që po trajtohen në Klinikën Infektive në QKUK janë në gjendje të rëndë shëndetësore.

Kështu ka njoftuar ministri i Shëndetësisë, Arben Vitia, përmes një konference për media, derisa shtoi se në mesin e të infektuarve me koronavirus, 31 persona janë duke u trajtuar në Klinikën Infektive dhe janë në gjendje stabile.

“Deri më tani janë kryer 1 mijë e 37 testime me mostra të dyshimta. Janë 91 raste të konfirmuara, 1 i vdekur dhe 1 i shëruar. 36 pacientë po trajtohen për COVID-19, 31 prej tyre janë në gjendje stabile, 5 të tjerë janë në gjendje shëndetësore më të rënduar dhe janë në oksigjeno-terapi”, ka theksuar Vitia”, ka thënë Vitia. /Gazeta Sinjali/