Një aksident trafiku ka ndodhur mëngjesin e sotëm në hyrje të Fushë Kosovës, ku një veturë është përplasur në një shtyllë.
Rastin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti, e cila ka bërë të ditur se nga vetaksidenti është lënduar një person, raporton Gazeta Sinjali.
“Sot rreth orës 10:30, në rrugën Prishtinë -Fushë Kosovë, ka ndodhur një aksident trafiku, ku është përfshirë një veturë. Si pasojë e aksidentit një person ka pësuar lëndime trupore dhe i njëjti është dërguar për trajtimin e nevojshëm mjekësor”, tha Ahmeti. “Hetuesit rajonal të njësitit të trafikut, kanë nisur një hetim për zbardhjen e shkaqeve të këtij vetaksidenti”, tha Ahmeti për Sinjalin.
Në një video të publikuar, shihet një shtyllë e rrëzuar në rrugë, teksa pak mbi të qëndron automjeti që është përplasur në të.
