Një vetaksident ka ndodhur mesnatën e mbrëmshme në Gjilan, ku si pasojë kanë mbetur të lënduar pesë persona, dy prej të cilëve janë në gjendje të rëndë, shkruan Gazeta Sinjali.

Policia ka njoftuar se aksidenti ka ndodhur për shkak se shoferi  nuk kishte arritur të përshtat shpejtësinë e veturës me kushtet e rrugës. Si pasojë i njëjti ka humbur kontrollin mbi veturën e tij duke dalë kështu nga rruga dhe duke goditur urën e betonit.

Në këtë aksident mbetën të lënduar shoferi i veturës me katër pasagjerët, dy vajza dhe dy meshkuj, njëri prej të cilëve është shtetas i huaj.

Të njëjtit pas lëndimeve të marra fillimisht janë dërguar në Spitalin e Gjilanit. Kurse më pas dy prej tyre për shkak të lëndimeve të rënda që kanë marrë janë transportuar në QKUK në Prishtinë.

Vetëaksidenti ka ndodhur mbrëmë rreth orës 00:05 në Gjilan. /Gazeta Sinjali/