Vesa Vllasaliu mbrëmë pas natës ‘prime’ ka shpërthyer në lot teksa i ka rrëfyer disa nga banorëve të BBVK2 se çfarë e vret më shumë nga ish-lidhja e saj me futbollistin kosovar, Mërgim Berisha.
Ajo teksa qante me dënesë iu tha banorëve se dëshiron ta di arsyen dhe nëse Mërgimi e ka tradhtuar edhe gjatë kohës sa nuk ishin të inatosur, hidhërim ky për të cilin tha se ishte edhe pika e ndarjes.
Ndër tjera, ajo është dëgjuar edhe duke e fajësuar vetën për prishjen e lidhjes.
“Problemi është që edhe më i miri në botë me kanë unë e prishi, se kam frikë”, u shpreh ajo.
Mes bisedave, Vesa iu drejtohet edhe Albës teksa i thotë se familja e Mërgimit nuk e ka dashur kurrë.
Ndër tjera ajo flet edhe për ditën e ndarjes kur ishin takuar dy familjet për të biseduar, teksa shton se babai i saj i ka kërkuar llogari Mërgimit pse ka përdorur dhunë duke e nxjerr nga vetura.
Vetëm pak ditë më parë, vëllai i Mërgimit deklaroi se ishte Vesa ajo e cila ia kishte ndaluar Mërgimit edhe takimet me familjarët e tij.
