image Vërejtja e BE-së për Vettingun, deklarohet ministrja Haxhiu - Sinjali

Vërejtja e BE-së për Vettingun, deklarohet ministrja Haxhiu

news image

Ministrja e Drejtësisë Albulena Haxhiu ka folur për Vetingun dhe vërejtjet në Raportin e Progresit për këtë çështje. Ajo tha se ka “mungesë të informacioneve për Vetingun”.

Sa i përket çështjes së Vettingut unë po e shoh që ka mungesë të informacioneve për faktin se ne tani së voni kemi miratuar një koncept dokument në Qeveri dhe tani jemi duke bërë planet për themelimin e grupit që i përgatit amandamentet kushtetuese dhe ligjet për Vetingun në sistemin e drejtësisë”, tha Haxhiu në T7.

“E para Vettingu s’do të jetë i njëhershëm. Këtu thuhet se do të jetë i njëhershëm çka nënkupton se një herë do të vlerësohen gjyqtarët dhe prokurorët dhe pastaj çka ndodh me ta asgjë askujt. Kjo nuk do të ndodh për faktin se ne planifikojmë Vetting të njëhershëm dhe të vazhdueshëm dhe të përhershëm”, shtoi ajo.

“Mekanizmat aktual nuk po funksionojnë si duhet, ata duhet të fuqizohen por pasi të bëjmë një verifikim nga mekanizmi i jashtëm të gjyqtarëve dhe prokurorëve pastaj mekanizmat fuqizohen dhe do të jenë të instaluara përbrenda sistemit të drejtësisë”, tha Haxhiu.

“Ne ia kemi thënë këto shqetësime ambasadorit të BE-së në Kosovë edhe me zyrtarë të lartë të BE-së që kemi pasur takime të përbashkëta dhe ata natyrisht që kanë rezerva për Vetingun”, shtoi Haxhiu.

/Gazeta Sinjali/


Shpërndaje artikullin