Një tjetër ngjarje e rëndë ka ndodhur në Velipojë, pas masakrës me katër të vrarë, përcjell Gazeta Sinjali.

Mediat në Shqipëri raportojnë se një bombol gazi ka shpërthyer në një banesë, ku të lënduar kanë mbetur tre gra dhe një fëmijë, të cilët kanë pësuar djegie të konsiderueshme dhe ndodhen në gjendje të rëndë.

Mësohet se të lënduarit janë transportuar drejt Spitalit Rajonal të Shkodrës, ndërsa priten informacione të tjera në vijim mbi gjendjen e tyre shëndetësore./Gazeta Sinjali/