Një grua shtatzënë ka ndërruar jetë në Gjilan. Sipas mjekëve, gruaja kishte shkuar në spital pa shenja jete. Mjekët kanë arritur që foshnjen ta nxjerrin të gjallë nga barku i nënës.

Rastin për Gazetën Sinjali e ka konfirmuar Drejtori i Spitalit të Gjilanit, Nysret Hajrullahu, i cili tha se gruaja shtatzënë nuk ka mundur të kthehet në jetë edhe pas intervenimit të mjekëve.

Hajrullahu kishte qenë pjesë e epikës mjekësore që e kanë trajtuar rastin por ai ka deklaruar se gjendja e foshnjës është e mirë.

“Një grua ka ardhur pa shenja jete, se unë kam qenë edhe kujdestar, dhe kam qenë pjesë e epikes në reanimin e saj. Ka qenë grua shtatëzane, e cila ka ardh pa shenja viatale, pa tension pa aktivitet të zemrës. Fëmija u nxor i gjallë nga barku i nënës. Fëmija ende kish pas ritëm, mjekët menjëherë e kanë reanimuar dhe kanë arritur që ta mbajnë në jetë foshnjën e gjinisë mashkullore. Kirurgët në Klnikën Emergjente të gjithë menjëherë kanë intervenu, por fatkeqësisht nuk mundi që të mbijetojë”, ka thënë ai për Gazetën Sinjali.

Siç bënë të ditur Drejtori i Spitalit të Gjilanit, familjarët e gruas së vdekur nuk kanë pranuar që t’i bëhet obduksioni viktimës. /Gazeta Sinjali/